Ni yw Alice Sidwell a Jonny Watter, ac rydym wedi ein lleoli y tu allan i’r Fenni ym mhentref Llanfable. Rydyn ni’n tyfu ein cynnyrch ar lain hanner erw sydd wedi cael ei drin gan deulu Alice gan ddefnyddio egwyddorion organig ers bron i 40 mlynedd.
Rydym yn darparu blychau llysiau ffres, tymhorol, heb gemegau o fewn radiws 10 milltir i’n gardd drwy ein Cynllun Amaethyddiaeth a Gefnogir gan y Gymuned (AGG). Mae ein AGG yn rhedeg am 6 mis o’r flwyddyn, gydag aelodau’n cofrestru am y tymor cyfan. Yn gyfnewid am hyn, mae aelodau yn derbyn cyfran wythnosol o’r cynhaeaf, ynghyd â chyfleoedd i ymuno â ni ar gyfer digwyddiadau a diwrnodau gwaith yn yr ardd.
Rydym hefyd yn cyflenwi ein dail salad cymysg blasus i nifer o siopau manwerthu a busnesau bwyd lleol.
Bocs llysiau wythnosolRydym yn agor ein CSA i aelodau newydd yn gynnar yn y gwanwyn, ac yn darparu blychau llysiau wythnosol i’n haelodau bob prynhawn dydd Iau o fis Mehefin i fis Tachwedd. Rydyn ni’n cynllunio’n ofalus i sicrhau bod cymaint o’r cynnyrch â phosib yn dod o’n gardd hanner erw. Ond o bryd i’w gilydd efallai y byddwn yn cynnwys eitemau gan dyfwyr lleol dibynadwy eraill, i hybu amrywiaeth i’n haelodau.
Mae gwasanaeth danfon i’r cartref wedi’i gynnwys yn y pris.
Credwn y dylai bwyd maethlon ffres fod ar gael i bawb a chynnig graddfa symudol o daliadau, fel y gall pobl ar ystod o incwm gael mynediad at ein cyfranddaliadau. Mae hyn hefyd yn ein helpu i gefnogi ein gwaith gyda Banc Bwyd y Fenni. I gael rhagor o fanylion am sut mae ein AGG yn gweithio, ewch i’n gwefan.
Gallwch brynu ein bagiau salad cymysg poblogaidd yn y Fenni o Fecws yr Angel yn Stryd y Groes.